lambi hai gham ki shaam full ghazal

read lambi hai gham ki shaam full ghazal

ہم پر تمھاری چاہ کا الزام ہی تو ہے

دشنام تو نہیں ہے یہ اکرام ہی تو ہے

کرتے ہیں جس پہ طعن کوئی جُرم تو نہیں

شوق فضول و الفت ناکام ہی تو ہے

دل مدعی کے حرف ملامت سے شاد ہے

اے جان جاں یہ حرف تیرا نام ہی تو ہے

دل ناامید تو نہیں ناکام ہی تو ہے

لمبی ہے غم کی شام مگر شام ہی تو ہے

دست فلک میں گردش تقدیر تو نہیں

دست فلک میں گردش ایام ہی تو ہے

آخر تو ایک روز کرے گی نظر وفا

وہ یار خوش خصال سر بام ہی تو ہے

بھیگی ہے رات فیضؔ غزل ابتدا کرو

وقت سرود درد کا ہنگام ہی تو ہے

hum par tumhari chah ka ilzam hi tu hai

dashnam tu nahi hai ye ikram hi tu hai

karty hain jis pay taaen koi jurm tu nahi

shauq e fazul o ulfat nakam hi tu hai

dil muddai kay harf malamat say shad hai

aye jaan e jaan ye harf tera naam hi tu hai

dil naumeed tu nahi nakam hi tu hai

lambi hai gham ki sham magar sham hi tu hai

dast e falak main gardash e taqdeer tu nahi

dast e falak main gardashe ayyam hi tu hai

aakhir tu aik roz kary gi nazar wafa

vo yaar khush khsal sar e baam hi tu hai

bhegi hai raat faiz ghazal ibtda karo

waqt e sarod e dard ka hangam hi tu hai