read agar kabhi Meri Yaad aaye lyrics In Urdu
اگر کبھی میری یاد آئے
تو چاند راتوں کی نرم دِل گیر روشنی میں ، کِسی سِتارے کو دیکھ لینا
اگر وہ نخلِ فلک سے اُڑکر ، تمھارے قدموں میں آ گِرے
تو یہ جان لینا ، وہ استعارہ تھا میرے دِل کا
اگر نہ آئے , اگر نہ آئے
مگر یہ ممکن ہی کِس طرح ہے ، کہ تُم کِسی پر نِگاہ ڈالو
تو اِس کی دیوارِ جاں نہ ٹوٹے ، وہ اپنی ہستی نہ بھول جائے
اگر کبھی میری یاد آئے
گُریز کرتی ہوا کی لہروں پہ ہاتھ رکھنا
میں خُوشبُووں میں تمھیں مِلوں گا
مُجھے گُلابوں کی پتیوں میں تلاش کرنا
میں اَوس قطروں کے آئینوں میں تُمھیں مِلوں گا
اور اگر سِتاروں میں ، اَوس قطروں میں
خوشبُووں میں نہ پاو مُجھ کو
تو اپنے قدموں میں دیکھ لینا
میں گرد ہوتی مُسافتوں میں تمھیں مِلوں گا
کہیں پہ روشن چراغ دیکھو، تو جان لینا
کہ ہر پتنگے کے ساتھ میں بھی بِکھر چُکا ہوں
تُم اپنے ہاتھوں سے، اِن پتنگوں کی خاک دریا میں ڈال دینا
میں خاک بن کر سمندروں میں سفر کروں گا
کِسی نہ دیکھے ہُوئے جزیرے پہ ، رُک کے تُم کو صدائیں دوں گا
سمندروں کے سفر پہ نِکلو
تو اس جزیرے پہ بھی اُترنا
سمندروں کے سفر پہ نِکلو
تو اس جزیرے پہ بھی اُترنا
agar kabhi Meri Yaad aaye lyrics In Urdu
agar kabhi meri yaad aye,
tu chand raton ki narm dilgir roshni main, kisi sitary ko dekh lena
agar vo nakhal say urr kar, tumhary qadmon main aa giry
tu ye jaan lena, vo isteara tha mery dil ka
agar na aye, agar na aye
magar yeh mimkin hi kis tarah hai, keh tum kisi pay nigah dalo
tu iss ki dewar e jaan na tootay, vo apni hasti na bhool jaye
agar kabhi meri yaad aye
gurez karti hawa ki lehron pay hath rakhna
main khushboon main tumhain milon ga
mujhay gulabon ki pattayon main talash karna
main awos qatron kay aainon main tumhain milon ga
aur agar sitaron main, awos qatron main,
khushbo-oon main na pao mujh ko
tu apnay qadmon main dekh lena
main gard hoti musafaton main tumhain milon ga
kahin pay roshan charagh dekho, tu jaan lena
keh har patangay kay sath main bhi bikhar chuka hoon
tum apnay hathon say, inn patangon ki khak darya main daal dena
main khak ban kar samundaron main safar karon ga
kisi na dekhay huwy jazeery pay, ruk kay tum ko sadain doon ga
samungron kay safar pay niklo
tu iss jazeery pay bhi utarna
samungron kay safar pay niklo
tu iss jazeery pay bhi utarna